«Տուն» հիմնադրամի մասին

Թիմ

• 

  Միքայել Վեկլենկո

  Հիմնադիր, Հոգաբարձուների խորհրդի անդամ

  Միքայել Վեկլենկոն ծնվել է Դոնի Ռոստովում (այն ժամանակ՝ ԽՍՀՄ), հայ-ռուսական ընտանիքում։ Նրա մորական պապն ու տատը էթնիկ հայեր էին, որոնք արտագաղթել էին Վեդիից (Հայաստան) և Սպահանից (Իրան)։

  Նա նախ ավարտել է Դոնի պետական տեխնիկական համալսարանը՝ միջազգային տնտեսական հարաբերությունների մասնագիտությամբ, իսկ հետո անցել է հետբուհական ծրագիր քաղաքային ուսումնասիրությունների ոլորտում Մանչեսթրի համալսարանում (Մեծ Բրիտանիա)։

  Նրա կարիերան սկսվել է քաղաքային զարգացման նրբությունների մեջ տասնամյա խորասուզմամբ՝ ձևավորելով քաղաքային լանդշաֆտներ և նորարարական լուծումներ մշակելով քաղաքային զարգացման, պլանավորման և ուրբանիստիկայի ոլորտներում տարբեր երկրների՝ Չինաստանի, Բրազիլիայի, Հնդկաստանի, Լեհաստանի և Բուլղարիայի ավաններում, քաղաքներում և մարզերում։

  2020 թվականից նա ապրում է Խորվաթիայում և 2020 թվականին հիմնադրված MAVEK Design ընկերության գործադիր տնօրենն է։

  Նա միշտ գնահատել է իր հայկական ծագումը, սակայն 2014 թվականին Հայաստան կատարած առաջին այցը նրան ստիպեց հասկանալ, թե որքան խորապես է կապված իր պատմական հայրենիքի հետ․

  «Հայաստանը բացահայտելն օգնեց ինձ բացահայտել ինքս ինձ։ Մասնավորապես, իմ առաջին այցը Հայաստան բացեց իմ աչքերը․ ես հասկացա, թե որտեղից եմ գալիս և ինչ մշակույթի եմ պատկանում։ Պարզվում է՝ մայրս ինձ է փոխանցել այդ մշակույթը՝ նույնիսկ առանց հայերեն խոսելու։ Ես պարզապես ինձ տանը զգացի»։

  2023 թվականին Արցախից հայերի բռնի տեղահանումը չէր կարող նրան անտարբեր թողնել։ Նա որոշեց գործել, և նրա մասնավոր նախաձեռնությունը վերածվեց «Տուն» հիմնադրամի։

• 

  Հարութ Մնացականյան

  Տնօրեն

  Հարութ Մնացականյանը ծնվել է Ավետարանոց գյուղում (Ասկերանի շրջան, Արցախ)։

  Նա ունի քաղաքագիտության մագիստրոսի աստիճան Արցախի պետական համալսարանից։

  2010–2012 թվականներին ծառայել է բանակում՝ Արցախում։

  2014 թվականի մարտից մինչև 2017 թվականի դեկտեմբեր աշխատել է որպես «Հայրենիքի պաշտպան» երիտասարդական ՀԿ-ի գործադիր տնօրեն։ Կազմակերպությունը հիմնականում զբաղվում էր առողջապահությամբ, ինչպես նաև երիտասարդների ֆիզիկական պատրաստվածությամբ և ինքնազարգացմամբ։

  2017 թվականի սեպտեմբերից մինչև 2018 թվականի հունիս եղել է Քարվաճառի շրջանի վարչակազմի ղեկավար։ Պաշտոնավարման ինն ամիսների ընթացքում նա իրականացրեց երիտասարդ ընտանիքների և վերաբնակիչների համար կառավարության տնաշինության ծրագիրը՝ հավասարաչափ բաշխելով տեղական և պետական միջոցները և բարեգործության միջոցով հավաքված ֆինանսական աջակցությունը։ Արդյունքում կառուցվեց ավելի քան 20 նոր տուն։

  2017 թվականի հունիսից մինչև 2020 թվականի հուլիս աշխատել է որպես Արցախի բնապահպանության նախարարի խորհրդական։ Նրա ծառայության ընթացքում երկու կարևոր փոփոխություն կատարվեց։ Նախ՝ ընդունվեց վերականգնվող էներգետիկայի մասին օրենքը, որը բարենպաստ պայմաններ ստեղծեց արևային, երկրաջերմային և այլ տեսակի վերականգնվող էներգիայի արտադրության և օգտագործման համար։ Երկրորդ՝ մեկնարկեցին թափոնների վերամշակման և կենսագազի արտադրության պետական ծրագրերը։ Նա աշխատել է նաև որպես Արցախի նախագահի խորհրդական և նախագահի աշխատակազմի ղեկավարի օգնական։

Իրավական տվյալներ